موآجعنــآ وأمآنينــا !

[{حلم طفله~]

يسري بنا الليل .. لانادت مواجعنا..

ويفرح بنا الهم.. .. لاماتت امانينا..

اغراب .. والحزن فالغربه يجمّعنا..

اجساد نمشي .. وتتبعنا خطاوينا..

كان الأمل في ظلام الوقت يزرعنا..

لين الليالي .. تجي بالياس تجنينا..

كنّا نعلّم جروح الوقت توجعنا..

والحزن .. كنا نناديه وينادينا..

نكتب : طريق الموادع مايرجعنا..

نقرأ : طريق الموادع مايودينا..

نبعد عن الهم .. نلقى الهم يتبعنا..

من وين نبعد .. نلاقي همنا فينا..

كنّا .. وهلحين كنّا وش بتنفعنا ؟

نادى الرحيل .. وسرق دربه خطاوينا..

رحنا ورى الحب .. لين الحب ضيّعنا..

مدري نسينا الزمن .. والا تناسينا !!

الين عشنا بلا صوره .. ولا معنى..

ارواح .. تشبه لنا ظلمة ليالينا..

واليوم .. ماعاد باقي شي يجمعنا..

الا الوجع , والضياع , وحزن ماضينا..

على كثر ماحلمنا .. ماتوقعنا..

ينسى الزمن كيف كنا يوم حبينا..

شكراً .. لأحساسنا اللي كان يخدعنا..

شكراً لوقتٍ خذانا .. قبل يعطينا..

شكراً لعمرٍ تركنا .. قبل يسمعنا..

شكراً لأيامنا .. اللي جت توصينا..

شكراً لأحلامنا اللي وقفّت معنا..

شكراً لأحزاننا .. شكراً لأغانينا..

بكت لنا الارض يوم انّا توادعنا..

لأن الارض احضنتنا يوم حبينا..

[ღ مـ غٍ ـُرًوٍرًهـ ღ]

كلام جميل سلمت يمناك

ننتضر المزيد من الابداع

تحيـــــــــاتي لك

[{حلم طفله~]

هلا والله

مغروره

منور الطرح ياغلا

الله يعطيك العافيه

لاخلا ولاعدم

[ملكه الهوى]

يعطيك العافيه على روعه طرحك

كلمات رائعه

سلمت الايادي

في انتظار جديدك
دمتـ بخير

[همس الليل]

همس الحب ،،
ذآئِقه إرتَشفتٌ مِنهآ حَد الإرتِوآء
سَلمتيِ يِآ عَزيِـزه !
كوٌنيِ دآئِماً بيِنْ طيِآتْ آلِ [ قَصيِد ] [Link nur für registrierte Benutzer sichtbar] ([Link nur für registrierte Benutzer sichtbar]) ~
وِدآدَيِ

[بعثرة روح]

في حروفك أجزاء تحمل الجمال على أكتافها برغم ماعلق فيها من ألم !!


فما اجمل بوحك فلا تحرمينا من حبر قلمك

[{حلم طفله~]

ملكة الهوى....همس الليل....بعثرة روح
مشكورين وهلا فيكم في متصفحتي التي
اصبح لها بريق وشعاع رائع والسبب وجودكم الااروع

لاتحرموني من تواجدكم فيم اطرح

لكم جـــــــــــــــــل ودي وعبير وردي